Чăваш Республикинчи Шалти ĕçсен министерстви çакна пĕлтерет: РФ гражданĕсене пурăннă вырăнта регистрацилесси е регистрацирен кăларасси, РФ гражданинĕн тата ют çĕр шыв паспорчĕсене улăштарасси, адреспа справка информацине илесси патшалăх пулăшăвĕсен пĕрлехи порталĕ урлă (wwwĕ gosuslugiĕru сайт е "Госуслуги" тỹлевсĕр мобильлĕ приложени) çырнă заявлени тăрăх пурнăçланса пырать.

Патшалăх пулăшăвĕсен пĕрлехи порталĕнче регистрациленес йĕрке çăмăл пулнă май нумай вăхăт иртмест. Кунта РФ гражданинĕн паспорт сведенийĕсем тата СНИЛС кирлĕ пулаççĕ. Пĕрлехи порталăн пур пулăшăвĕсемпе те усă курас тесен хуть те хăш нумай функциллĕ центра (МФЦ) е миграци ыйтăвĕсемпе ĕçлекен подразделение РФ гражданинĕн паспорчĕпе кайса хăвăр кам пулнине çирĕплетмелле.

Çирĕплетнĕ учет çыравĕ (подтвержденная учетная запись) граждансене пур патшалăх пулăшăвĕпе те, çав шутра миграци ыйтăвĕсемпе те электронлă майпа, усă курма май парать.

Пĕрлехи портал урлă патшалăх пулăшăвĕпе усă курни вăхăта перекетлет. Кунсăр пуçне сирĕн хуть те ăçта пулнă чухне те, талăкăн кирек хăш вăхăтĕнче те интернет е мобильлĕ приложени урлă заявлени çырма май пур. Миграци ыйтăвĕсемпе ĕçлекен подразделение те пĕр хутчен кăна кайма тивĕ: документсен оригиналĕсене пама тата хатĕр паспорта, регистраци пирки документ... илме. Пĕрлехи портал урлă патшалăх пулăшăвĕ пе усă курсан патшалăх пошлинине 30 процент сахалрах тỹлемелле.

А.МИХОПАРКИН, районти полици уйрăмĕн начальникĕ.