Январĕн 11-мĕшĕнче Раççейри 85 субъектра шкул ачисен олимпиади старт илнĕ. Чăваш Енри шкул ачисем 22 предметпа хăйсен пĕлĕвне кăтартĕç, вĕсенчен пĕрремĕшĕ - француз чĕлхи. Ăмăртусен турĕ куçăмлă майпа иртет. Олимпиада ирттернĕ тапхăрта йĕркелỹçĕсем Роспотребнадзорăн эпидемиологи хăрушсăрлăхĕн мерисен сĕнĕвĕсене шута илĕç.

Пĕлтĕр республикăра олимпиадăн регионти тапхăрĕнче 9-11 классенче вĕренекен 1843 шкул ачи хутшăннă, вĕсенчен 504-шĕ çĕнтерỹçĕсемпе призерсен йышне кĕнĕ. Кăçал олимпиадăн регионти тапхăрне 1967 ача хутшăнĕ. Район чысне вара çак çамрăксем хỹтĕлĕç:

. Богдан Яркин (Хĕрлĕ Чутай шкулĕ: ОБЖ, физкультура, биологи);

. Владимир Кондратьев (Хĕрлĕ Чутай шкулĕ: ОБЖ);

. Диана Сядайкина (Питĕркасси шкулĕ: биологи);

. Василий Ерофеев (Мăн Этмен шкулĕ: экономика);

. Даниил Макаров (Хусанушкăнь шкулĕ: технологи);

. Мария Сятрайкина (Хĕрлĕ Чутай шкулĕ: право);

. Таисия Казачук (Хĕрлĕ Чутай шкулĕ: искусство);

. Ангелина Сазонова (Хĕрлĕ Чутай шкулĕ: искусство);

. Максим Ухтеров (Хĕрлĕ Чутай шкулĕ: истори);

. Екатерина Князева (Хĕрлĕ Чутай шкулĕ: истори);

. Мария Аливанкина (Хĕрлĕ Чутай шкулĕ: физкультура);

. Иван Сармандейкин (Хĕрлĕ Чутай шкулĕ: физкультура).

Çамрăксене пĕлỹ ăмăртăвĕсенче ăнăçу сунатпăр.

А.АЛЕКСЕЕВА.