Кăçал юр нумай çурĕ. Урамсене тултарса лартнипе пĕрлех çуртсен, производство объекчĕсен тата ытти хуралтăсен тăрринче те вăл нумай. Çанталăк çуркунне енне сулăнса пырать. Каçпа аванах сивĕ пулсан та, кăнтăрла ăшăтать, юрпа хутăш çумăр та çума пултарать. Юр тултарнă çивиттисем çиелти йывăрăша чăтаймасăр ишĕлсе анас хăрушлăх та тухса тăрать. Шел пулин те, ун пек тĕслĕхсем пулчĕç те ĕнтĕ. Çавăнпа уйрăм çынсен те, предприятисемпе организацисен, учрежденисен ертỹçисен çивиттисене юртан тасатас енĕпе йышăнусем тумалла. Ĕçсене хăрушсăрлăх йĕркисене çирĕп пăхăнса пурнăçламалла.

Çурт тăррисенчен çакăнса тăракан тумлам пăрĕсем те çынсен пурнăçĕ умне хăрушлăх кăларса тăратаççĕ. Вĕсем ỹксе çынсене амантнă тĕслĕхсем те сахал мар пулнă. Çивиттисене тасатма май çук тĕлте пурне те курăнмалли вырăнта хăрушлăх пирки асăрхаттаракан паллăсем вырнаçтармалла. Юр анма пултаракан, пăр катрамĕсем çакăнса тăракан вырăнсене карталаса илмелле.

Тĕплĕнрех - «Пирĕн пурнăç» хаçатра.