Вӑл ҫирӗм ҫул каялла ҫырса кӑларнӑ кӗнекесен хуплашки ҫинчи пек каласан «Чутай Юркки». Ҫыравҫӑ, Чӑваш Республикин писательсен союзӗн членӗ, хисеплӗ таврапӗлӳҫӗ, халӑх академикӗ. Сахал-ҫке вӑл ун пек ҫеҫ калани. Вӑл Хурапыр ялӗн сумлӑ ҫынни, пурнӑҫа тарӑн та витӗр куракан пӑлхар чӑвашӗ, Раҫҫей ҫӗршывӗн хисеплӗ донорӗ, хисеплӗ ашшӗ, аслашшӗ тата ытти те… Ҫавсем пурте пӗр ҫынра пӗрлешнӗ те, вара эпир пӗлекен Юрий Витальевич Дадюков пулса тӑнӑ.

Вӑл 1959 ҫулхи майӑн 2-мӗшӗнче ҫут тӗнчене килнӗ. Ҫирӗммӗш ӗмӗрӗн юлашки 20 ҫулхине - Совет Ҫарӗн офицерӗ, авиаци инженер-механикӗ, химик-технологӗ.

Ачалӑх ҫулӗсенче ытти тантӑшсем пекех куллен шкул сукмакне такӑрлатнӑ. Вӗренӗве малти вырӑна хунӑ, ӗҫе те юратса ҫитӗннӗ, кун хыҫҫӑн кун иртнӗ. Хӗрлӗ Чутайри вӑтам шкулта аттестат илнӗ хыҫҫӑн тӗрлӗ тӗрӗслев витӗр тухнӑ та Украинӑри Кривой Рог хулине авиаци ҫар училищине вӗренме ҫул тытнӑ. Кам пуласси унӑн ача чухнех палӑрнӑ. «Эпир ҫитӗннӗ чухне патриотла воспитание шкулта лайӑх йӗркеленӗ. 7-9 классенче «Зарница», «Орленок» вӑййисене хутшӑннӑ, отряд командирӗ пулнӑ. Гимнастерка тата хӗрлӗ ҫӑлтӑрлӑ пилотка тӑхӑннӑскерсене Михаил Григорьевич Миронов военрук автоматран пертернӗ. Ҫар училищинче вӗренекен курсантсемпе, ҫамрӑк лейте-нантсемпе тӗлпулусем йӗркеленӗ. Ҫак вӑйӑсем арҫын ачасене салтак тивӗҫне чыслӑн пурнӑҫлама пулӑшнӑ.

Тĕплĕнрех - «Пирĕн пурнăç» хаçатра.