Республикăра пурăнакансен пурнăç условийĕсене лайăхлатас енĕпе сахал мар ĕç пурнăçланать: ФАП-сем çĕкленеççĕ, медицина учрежденийĕсем хальхи йышши оборудованисемпе пуянланаççĕ. Апла пулин те çынсен шучĕ çултан-çул чакса пырать. Ку ырă мар кăтарту округра та сисĕнет.

Юлашки çулсене пĕтĕмлетсен, округра çулсерен вăтамран 200 çын ытла вилет, çуралакансенчен 4-5 хут ытларах.

Сăлтавĕ мĕнре-ши? Ятарлă çар операцине хутшăнакансене илмесен те, халăх çулçă пек тăкăнать. Сăлтавĕ - сывлăх хавшанинче. Райбольница кăтартăвĕсемпе çынсем ватлăхпа кăна мар, тĕрлĕ чир-чĕре пула вăхăтсăр пурнăçран уйрăлаççĕ. Чи малти ретре - юн çаврăнăшĕн тытăмĕнчи чирсем, усал шыçăсем, апат ирĕлтерекен органсен чирĕсем. Çакă пирĕн хамăр сывлăха тĕрĕслесех тăмаллине пĕлтерет мар-и? Чылайăшĕ çулталăкне пĕрре флюорографи витĕр тухать. Ăна та ялти фельдшер çине тăнипе тăвать. Шăпах диспансеризаци вăхăтĕнче чирсем "тупăнаççĕ". Чир-чĕр малтанлăха хăйĕн çинчен систермесен те пултарать - çакна шута илмелле. Вăхăта шеллетпĕр мар-и? Тухтăр патне кĕмешкĕн черетре тăма та ỹркенетпĕр. Асăрханă пулĕ, ытларахăшĕн - тỹрех юн пусăмĕ хăпарса каять. Чылайăшĕ хăй тĕллĕн сипленет. "Эмел ĕçетĕп те, ыратни иртсе каять", - тет. Анчах ку вăхăтлăха кăна. Чир вăраха кайма пултарать.

Тĕплĕнрех - "Пирĕн пурнăç" хаçатра.