Мишеркассинчи пӗтӗмӗшле пӗлӳ паракан тӗп шкулта ӗҫлекен Альбина Викторовна Макарована ку тăрăхра аван пӗлеҫҫӗ. Вăл ачасене хими, биологи, географи предмечӗсен вăрттăнлăхӗсемпе паллаштарать тата ӗҫ урокӗсене ертсе пырать. Альбина Викторовна - аслă категориллӗ вӗрентекен. Ахальтен мар вăл тăрăшнипе шкулта вӗренекенсем тӗрлӗ конкурссене, олимпиадăсене хутшăнса  район, республика шайӗнче малти вырăнсене йышăнаҫҫӗ.

Макаровсен ҫемйинче тăватă хӗр ӳсет, пӗринчен тепри пултаруллăрах, ӗҫченрех, маттуртарах. Кунта Альбина Викторовнăпа унăн мăшăрĕн, Владимир Александровичăн, тӳпи çав тери пысăк. Вĕсем килĕштерсе, пĕр-пĕрне пулăшса, ăшă сăмахпа хавхалантарса пурăннипе ачисене ырă тĕслĕх кăтартаççĕ. Анастасийăпа Екатерина шкултан вӗренсе тухнă ӗнтӗ, малалла вӗренсе, юратнă специальноҫе алла илсе ӗҫлеме те пуҫланă. Татьяна, кӗҫӗнни, пиллӗкмӗш класра вӗренет. Ульяна - Шупашкарти медицина училищин I курс студентки. Тăххăрмӗш класра вӗреннӗ вăхăтра, кăҫалхи апрель уйăхӗнче, вăл вырăс чӗлхипе литература предмечӗсене вӗрентекен Г.Н.Медакина ертсе пынипе Пӗтӗм Раҫҫейре ҫулсеренех иртекен «Борис Васильев ҫулӗпе» художествăллă пултарулăх фестивальне хутшăнса лауреат ятне илме пултарчӗ. Тивӗҫнӗ диплома тата Б.Васильев ҫырнă кӗнекене асăнмалăх Ульянăна ҫак кунсенче парнелерӗҫ. Кунсăр пуҫне хӗр Аслă Ҫӗнтерӗве халалланă Пӗтӗм Раҫҫейре ҫулсерен иртекен «Аслă Ҫӗнтерӳ паттăрӗсем» литература конкурсĕнче палăрса ҫурма финала ҫитме пултарчӗ.

Тĕплĕнрех - "Пирĕн пурнăç" хаçатра.