Çапла калать паянхи кун Ольга Ивановна Васюкова. Чăн-чăн чăваш хĕрарăмĕн пурнăç тăршшĕнче темĕн те тỹссе ирттерме тивнĕ, çапах та вăл парăнман, ачисене пурнăç çулĕ çине кăларнă.

Ольга Ивановна (хĕр чухнехи хушамачĕ - Кантейкина) 1938 çулхи мартăн 6-мĕшĕнче Анат Чутайра çуралнă. Шăпи, ытти вăрçă ачисен пекех, çăмăл килмен унăн. Çемьере виçĕ хĕр ỹснĕ. Ольга асли пулнă май ăна йывăртарах тивнĕ, кĕçĕннисене пăхнисĕр пуçне килти ĕçсене те хăйĕнех тумалла пулнă. Хĕрлĕ Чутай шкулĕнче тăватă класс кăна пĕтернĕ вăл. 5-мĕш класа каяс тенĕ чух Ольга йывăр чирлесе ỹкнĕ. Чир вăраха тăсăлнă, çавна май урăх вĕренеймен. Амăшĕ ĕмĕр тăршшĕпех колхозра ĕçленĕ, фермăна ирпе-ирех тухса кайнă, киле хĕвел ансан тин таврăннă. Апла пулин те тĕпренчĕкĕсене валли кăмакана яшка лартса янă, вĕри çăкăр пĕçернĕ. "Анне пĕçернĕ çăкăр тути паянхи кун та асра", - аса илет кинемей. Вăрçă çулĕсенче уйрăмах йывăр пулнă. Ашшĕ фронтра тăшмансемпе çапăçнă. Вăл нумай çул тимĕрçĕре ĕçленине палăртмалла. Ял-йыш ăна хисепленĕ, унăн ĕçне пысăк хак панă.

Тĕплĕнрех  - "Пирĕн пурнăç" хаçатра.