Вĕрентекен мĕн авалтанах хисеплĕ çын шутланнă. Хăйĕн пурнăçне йăлтах çамрăк ăрăва халалласа пурăнма пысăк вăй-хал та ырă чунлă çын пулмалла.

Ноябрь уйăхĕн 7-мĕшĕнче Атнарти вăтам шкулта вĕрентỹпе воспитани ĕçне чунтан парăннă Раççей Федерацийĕн тава тивĕçлĕ учителĕ, Чăваш Республикин тава тивĕçлĕ учителĕ, Халăха вĕрентес ĕç отличникĕ, Хĕрлĕ Чутай районĕн хисеплĕ гражданинĕ Михаил Алексеевич Хураськин çуралнăранпа 90 çул çитнине чысласа асăну каçĕ иртрĕ. Çак йывăр та пархатарлă ĕçре вăл хăйĕнчен мĕн килнине йăлтах пурнăçланă. Унăн пурнăçĕ пуриншĕн те ырă тĕслĕх, хисеплĕ ячĕ пирĕн тăрăхра вĕрентỹ историне ĕмĕрлĕхех çырăнса юлнă.

Вăл 1935 çулхи ноябрĕн 6-мĕшĕнче Шăмăршă районĕнчи Çĕнĕ Шăмăршă ялĕнче çуралнă. Ачалăхĕ нумай çыннăнни пекех çăмăл пулман. Алла аттестат илсен малтанах Канашри учительсен институтĕнче вĕреннĕ, салтакра пулнă хыççăн И.Я.Яковлев ячĕллĕ Чăваш патшалăх педагогика институтне çул тытнă, физикăпа математика факультетĕнче ăс пухнă. Ăна ăнăçлă вĕренсе пĕтерсен тĕплĕ те çирĕп пĕлỹ илнĕ çамрăк учителе Курган облаçĕнчи Макроусов районне ĕçлеме янă. Унта вĕсем мăшăрĕпе пĕр вĕренỹ çулĕ вăй хунă, хыççăн пирĕн районти Тури Çĕрпỹкассинче, 1958 çулта вара Серенкассинчи сакăр çул вĕренмелли шкулăн ертỹçинче тăрăшнă. Мăшăрĕ Нина Ефимовна Трапай ялĕнчи шкулта ачасене математикăпа физика вĕрентет, директор çумĕнче тимлет.

Тĕплĕнрех - «Пирĕн пурнăç» хаçатра.