Хăйсем тĕллĕн ĕçлекенсем экономикăн курăмлă пайĕ пулса тăма та ĕлкĕрчĕç ĕнтĕ - вĕсен республикăри йышĕ вун-вун пин çынпа танлашать. Апла пулин те çак йыш тĕлĕшпе ыйту çав-çавах чылай. Вĕсен пенсийĕ мĕнле йĕркеленет?

Раççей Социаллă фончĕн Чăваш Енри управленийĕ ăнлантарнă тăрăх, "Професси тупăшĕнчен илекен налук" налук режимĕпе усă курнă чухне пенси страхлавĕ валли страхлав укçине куçарассине пăхман. Çавна май хăй тĕллĕн ĕçлекенĕн пулас пенсийĕ пир-ки хăйĕн шухăшламалла. Унăн хăйĕн ирĕкĕпе обязательнăй пенси страхлавĕ енĕпе право хутшăнăвĕсене кĕмелли, страхлавăн пулас взносĕсен виçисене хăй тĕллĕн палăртмалли, вĕсене тỹлесе пымалли ирĕк пур.

Пенси валли хамăр ирĕкпе укçа куçарса пымашкăн малтанах СФР-а укçа тỹлекен пулса регистрациленмелле. Çак тĕллевпе Патшалăх пулăшăвĕсен пĕрлехи порталĕ, Раççей ФНС-ĕн мобильлĕ "Мой налог" хушăмĕ (приложенийĕ), Социаллă фондăн клиент служби е почта урлă заявлени памалла.

Тĕплĕнрех - «Пирĕн пурнăç» хаçатра.