Паянхи кун Интернет тĕнчери çынсене çыхăнтаракан хăватлă мел пулса тăчĕ. Социаллă сеть çăмăллăхĕпе пурте усă кураççĕ теме пулать. Чылайăшĕн кулленхи интересĕ, ĕçĕ те унпа çыхăннă. Çав шутра ачасен пурнăçĕнче те Интернет пысăк вырăн йышăнать.

Çамрăксем аслă çулхисенчен те ытларах унпа усă кураççĕ. Унăн усăлăхне те палăртса хăварма пулать. Унта ача-пăча кирлĕ информаци патне çул хывать, çĕнĕлĕхе алла илни аталанма, вĕренме, пĕр-пĕринпе хутшăнма, тус-юлташ йышне ỹстерме май парать.

Çав вăхăтрах сиенлĕ енĕсем те сахал мар. Çамрăк ăруран нумайăшĕ тĕрлĕ социаллă сетьсенче вăхăта ирттерет. Унсăр пуçне шкул ачи килти ĕçсене те унпа усă курса пурнăçлать. Çавна май хатĕр килти ĕçсене Интернетра кăна шыранăран ача пачах шутлама пăрахать. Çавăнпах унăн тимлĕхĕпе тăрăшулăхĕ самаях чакать. Интернет хăрушлăхĕ çакăнта кăна палăрмасть. Пĕтĕм тĕнчери сеть сиенлĕ информаципе «тулнă». Вĕсемпе паллашни ачан çирĕпленмен ăс-тăнне хавшатать. Унсăр пуçне виртуаллă тĕнчере вăхăта ирттернĕрен ачасем çынсемпе хутшăнма пĕлмеççĕ.

Тĕплĕнрех - «Пирĕн пурнăç» хаçатра.