Капиталлă строительство яланах çĕршыв практикин производствăн тĕп отраслĕсенчен пĕри пулнă. Капиталлă строительство шайĕнчен çынсен пурнăç пахалăхĕ, вĕсен ырлăхĕ тата культури мĕнле пуласси килнĕ.

1976 çулта эпĕ район ертỹлĕхĕ чĕннипе урăх районтан куçса килсе райĕçтăвкомăн ялхуçалăх управленийĕн капиталлă строительство пайĕн начальникĕнче ĕçлеме тытăнтăм.

Вăл вăхăтра строительство облаçĕнче сахал мар ĕç пурнăçланнă. Çурт-йĕр, промышленность тата ялхуçалăх строительстви вăй илсе пынă. Пурăнмалли çуртсем, клубсемпе шкулсем тата ача сачĕсем çĕкленĕ, чылай выльăх ферми, çĕрулмин усрав çурчĕсемпе çĕршер силос траншейи тунă. Çулсерен хытă сийлĕ 12-13-шер километр çула хута янă.

Районти хуçалăхсенчи объектсен строительстви ялху-çалăх управленийĕн капиталлă строительство пайĕ çине тиеннĕ.

Иртнĕ ĕмĕрĕн 80-мĕш çулĕсен варринче республикăн Ялхуçалăх министерстви выльăх-чĕрлĕхпе ĕçлекенсем, механизаторсем, ялхуçалăх специалисчĕсем валли республика шучĕпе пирĕн района панельлĕ икĕ хваттерлĕ 20 çурт уйăрса пачĕ (вĕсене 17-мĕш серипе ялти строительство комбиначĕ тунă). Çавăн пек 12 çурта эпĕ вăл вăхăтра "Искра" колхоз председателĕнче тăрăшакан Александр Дмитриевич Смалайкина сĕнтĕм. Анчах та вăл хирĕçлерĕ, 90-мĕш серинчи икĕ шайри панельлĕ çуртсене кăна (панельные дома на двух уровнях 90 серии) кăмăлланине палăртрĕ, анчах та ун пек çуртсене комбинат сериллĕ тума тытăнманччĕ-ха. Паллах, каярах унăн кун пирки кулянма тиврĕ.

Тĕплĕнрех - «Пирĕн пурнăç» хаçатра.