Хутса ăшăтмалли тапхăр пуçланчĕ, çавăнпа та округра пурăнакансен электричество оборудованийĕпе, кăмакасемпе асăрхануллă пулмалла, пушар хăрушсăрлăхĕн правилисене пăхăнмалла. Вут-çулăм никама та шеллемест, кил-çурт, хуралтăсем кĕлленнĕ тĕслĕхсем муниципаллă округра çук мар.

Ноябрĕн 13-мĕшĕ тĕлне округра 24 хутчен «хĕрлĕ автан» хуçаланнă. Пĕлтĕр çак тапхăрта икĕ пушар сахалрах пулнă. Пĕтĕмĕшле тăкак 3475,2 пин тенкĕпе танлашнă. Пĕлтĕрхи кăтарту сахалтарах - 2198,3 пин тенкĕ. Вут-çулăма пула çын пурнăçĕ вăхăтсăр татăлнă тĕслĕхсем пулман.

Территори пайĕсемпе илес пулсан пушарсен шучĕ çапларах. Ачкасси тăрăхне кăçал вут-çулăма сỹнтерме пушар ĕçченĕсен ултă хутчен тухма тивнĕ. Пĕлтĕр ку тăрăхра тăватă пушар пулнă. Хĕрлĕ Чутай, Питĕркасси, Кив Атикасси территори пайĕсенчи пушарсен хисепĕ виççĕпе танлашать. Пĕлтĕр Хĕрлĕ Чутай тата Питĕркасси территори пайĕсенче пилĕкшер пушар регистрациленĕ. Кив Атикасси тăрăхĕнче пĕр пушар пулнă. Атнар, Тралькасси, Хусанушкăнь, Штанаш территори пайĕсенче «хĕрлĕ автан» икшер хут хуçаланнă. Пĕлтĕр Атнар, Хусанушкăнь, Штанаш тăрăхĕсенче вут-çулăм алхасман, Тралькасси территори пайĕнче пĕр пушар пулнă. Мăн Этмен территори пайĕнче пĕр пушар тухнă, иртнĕ çул - иккĕ. Пантьăк территори пайĕнче çак тапхăрта вут-çулăм алхасман, пĕлтĕр тăватă пушар пулнă.

Тĕплĕнрех - «Пирĕн пурнăç» хаçатра.