Ултавçăсем пирĕн пек айвансене улталама тем те пĕр шутласа тупаççĕ. Райцентрти поликлиникăна юн тĕрĕслеттерме каймалла пулчĕ. Юн панă çĕрте халăх яланах нумай, тепĕр чух кабинета кĕриччен юн пусăмĕ те хăпарса каять, ир-ирех çитсе тăрсассăн та черет çитиччен самаях вăхăт иртет. Аран черет çитрĕ, шăпах çав самантра телефон сас пачĕ. Палламан номер пулсассăн та телефона хăлха патне тытрăм. Эпĕ ман пата кам та пулин шăнкăравласассăн хам пĕр сăмах та чĕнместĕп, шăнкăравлаканни калаçасса кĕтетĕп.

- Ырă кун пултăр, Галина!

- Ырă кун!

- Ку номер сирĕн телефонăн-им? Тĕрĕсех шăнкăравларăм-и?

- Тĕрĕсех.

- Телефон тарифĕсене улăштараççĕ, урăх тариф çине куçараççĕ, эсир миçе çуллăх улăштарасшăн?

- Хм, урăх тариф çине куçас килмест-ха манăн, темле тариф пулать, ку таранччен мĕнле пурăннă, çаплипех юлатăп.

- Миçе çуллăх? - каллех ыйтать манран хайхи.

- Виçĕ çуллăх, кайран куç курать унта.

- Сирĕн пата СМС килет, код ярса параççĕ, кĕтĕр. Чăнах та, кĕçех телефон сас пачĕ, код ярса панă.

- Кодне калăр, - каларăм, код каламалла маррине пĕлетĕп-ха эп, анчах та кунта тариф улăштарма пултараççĕ-çке.

Тĕплĕнрех - «Пирĕн пурнăç» хаçатра.