«Тỹрĕ линие» муниципаллă округра пурăнакансем те ыйтусем панă, вĕсене хĕрлĕчутайсем социаллă сетьсем урлă çитернĕ. Тивĕçлĕ ведомствăсем панă хуравсемпе паллаштаратпăр.

Питĕркассинчи Свердлов урамĕнче пурăнакансем «Чăваш Республики» ушкăн урлă ыйту панă. Вĕсем шывпа йĕркеллĕ те пахалăхлă тивĕçтерсе тăманнипе кăмăлсăр.

Кун пек çитменлĕх, чăнах та, иртнĕ çулла пулнă. Сăлтавĕ - вырăнта пурăнакансем сад-пахчари çимĕçсене хастар шăварнинче. Халĕ çитменлĕхсене пĕтернĕ, шыв пăрăхĕ хăйĕн йĕркипе ĕçлет. Апла пулин те лаборатори анализĕсем шывра тимĕр ытлашши пулнине кăтартнă. Çавăнпа та ĕçмелли шыва тасатма хушма фильтрсем лартмалла.

. Çак урамра пурăнакансене тепĕр ыйту та пăшăрхантарать - асфальт çул пулманни. Маларах асăннă çитменлĕхе пĕтерме вĕсем пуçару бюджечĕпе килĕшỹллĕн укçа-тенкĕ пухнă.

Питĕркассинчи Тĕп урамри 1-мĕш çуртран пуçласа Свердлов урамĕнчи 20-мĕш çурт таран каякан çула юсассине виçĕçуллăх контрактпа пурнăçланă. Финанс енчен илес пулсан, 2024 çулта 162265 тенкĕ уйăрнă, 2025 çулта - 442499 тенкĕ, 2026 çул валли 685387 тенкĕ пăхса хунă.

Тĕплĕнрех - «Пирĕн пурнăç» хаçатра.