Юлашки вăхăтра ултавçăсем ют пурлăха хапсăнас тĕллевпе çĕнĕрен те çĕнĕ мелсем шыраса тупаççĕ. Çак ĕçе ытларах çын шанăçне кĕрсе пурнăçлаççĕ.

Ятарлă çар операцийĕ те Раççейре пурăнакан миллион çыннăн пурнăçне тỹрлетỹсем кĕртрĕ. Хăш-пĕр граждансем Раççей Федерацийĕн салтакĕсем çар тивĕçне пурнăçланă чух вилнине пĕлтерекен извещенисем те илнĕ.

Шăпах çак информаципе усă курса ултавçăсем хăйсемпе военкомат сотрудникĕ пек паллаштарса вилнĕ салтаксен çывăх тăванĕсем патне çыраççĕ, тĕрлĕ социаллă сетьсене шăнкăравлаççĕ, патшалăх наградине илме палăртнă ссылкăпа кĕме сĕнеççĕ - ăна çар служащийĕ сывă-таса пулнă чухне илеймен имĕш.

Хисеплĕ граждансем, муниципаллă округра пурăнакансем, çакна асра тытмалла:

- патшалăх власть органĕсем хăйсен ĕçĕнче социаллă сетьсемпе (мессенджерсемпе) усă курмаççĕ;

- тупăш илес тĕллевпе нихăçан та каласа пынă ссылкăпа куçмалла мар;

- палламан çынсем хушнипе сотовăй телефонсем туянма тата программăсем вырнаçтарма юрамасть;

- анкета даннăйĕсене ют çынсене пĕлтермелле мар.

Тимлĕхе ан çухатăр, асăрхануллă пулăр. Çакăн пек лару-тăрăва лексен чи малтанах çывăх çыннăрсемпе, тăванăрсемпе канашласа пăхăр. Ултавçăсен тĕлне лекесрен сыхланăр!

Анна ВАСЮКОВА