Ватăлнăçемĕн çыннăн организмĕ ылмашăнать. Апатлану енĕпе те улшăнусем пулса иртеççĕ. 20-ри каччăн рационĕ, паллах, 60-ти арçын валли мар. Тĕрлĕ чир-чĕрпе аптăракан ватăсемшĕн тĕрĕс апатланни питĕ пĕлтерĕшлĕ.

Аслă ỹсĕмри çынсем сахал хускалнипе мăнтăрланма пуçлаççĕ, çавăнпа 60 çултан иртнисен апат шайне пĕчĕклетмелле. Кун каçа сĕтел хушшине 4-6 хутчен лармалла, анчах пĕр порцие темиçе пая уйăрмалла. Йывăр апат шутланаканнисенчен майĕпен пăрăнмалла, çăмăллисем çине куçмалла. Шыв ытларах ĕçмелле.

Услам çу, тутлă хăйма, çуллă аш - çак апат-çимĕçе сайра хутра кăна ăша ямалла. Пĕр кунра 50 грамм сахăр, 5 грамм тăвар çимелле. Рационта юр-вар (çуллă марри) ытларах пултăр, вĕсем витаминсемпе, белокпа тата кальципе пуян. Ватă çынсемшĕн пулă питĕ усăллă, уйрăмах унăн çăвĕ. Вăл иммунитета çирĕплетет, чĕре ĕçне лайăхлатать. Сĕтел çинчен улма-çырла, мăйăр татăлмалла мар. Укроп, петрушка, кинза организма фоли йỹçекĕпе пуянлатаççĕ. Кăш-манра, кишĕрте, купăстара калипе магни нумай. Тĕрĕс апатланни çын ĕмĕрне тăсма пулăшать.