Чылай çул Челябинск облаçĕнче пурăнакан, анчах чунĕпе яланах пĕчĕк Тăван çĕршывĕшĕн çунакан Александр Николаевич Герасимов паян хăйĕн сумлă юбилейне паллă тăвать.

Александр Герасимов Мишеркасси ялĕнче 1950 çулхи августăн 15-мĕшĕнче хресчен çемйинче çуралнă. Аслă вăрçă хыççăнхи çулсем пуриншĕн те питĕ йывăр килнĕ. Колхозсем пулнă вăхăтра пĕрлешỹллĕ ĕçре пурин те ура çине тăма тăрăшмалла пулнă. Кашни килтех çимелли-тăхăнмалли пултăр тесе ырми-канми, мĕн пултарнă таран, тăрăшса ĕçленĕ. Александр та нумай ачаллă (пилĕккĕн) çемьере ỹснĕ: Людмила аппăшĕ, вăл, Альбинăпа Галина йăмăкĕсем тата Валерий шăллĕ.

- Пурнăç çăмăл мар пирки пирĕн ялтан та, юнашар ялсенчен те сахал мар çын Çĕпĕре тата Тюмень облаçне куçса кайнине астăватăп. Манăн атте, Николай Федорович, Аслă вăрçăран сусăрланса килнĕскер, госпитальте сывалнă хыççăн яла килсен Туктамăш ял хĕрĕпе Марфа Ефимовна Шереметьевапа пĕрлешнĕ. Шел пулин те, вĕсем пĕрле чылай пурăнайман: Юра ывăлĕ амăшĕпе кăна ỹснĕ... Çитĕнсе çитсен эпир Юра пиччепе час-часах тĕл пулкалаттăмăр, пирĕн унпа çирĕп çыхăну пурччĕ. Районта ăна пурте тенĕ пекех пĕлетчĕç: Хĕрлĕ Чутай шкулĕнче физика предметне вĕрентетчĕ, пĕр вăхăтра шкул директорĕнче те ĕçлерĕ. Юрий Николаевич Шереметьев ячĕпе кĕрешỹ ăмăртăвĕсене те ирттереççĕ.

Тĕплĕнрех - "Пирĕн пурнăç" хаçатра.