Мускаври "Сколково" управлени шкулĕнче Пĕтĕм Раççейри экспорта пулăшмалли инфратытăм конференцийĕ иртнĕ.

Унта 60 ытла регионти Экспорта пулăшакан центр ертỹçисем тата Раççей Федерацийĕнчи 26 субъектри 40 яхăн бизнес представителĕсем хутшăннă. Мероприятие "Тухăçлă тата конкурентлă экономика", "Çĕршывсен хушшинчи коопераци тата экспорт" наци проекчĕсемпе килĕшỹллĕн тĕнчери коопераци аталанăвне халалланă.

"Конференцин кун йĕркинче "Раççейре туса кăларнă" сертификатпа, бизнеса пулăшмалли мелсемпе çыхăннă ыйтусем тĕпре пулчĕç. Чăваш Енри компанисем ку механизмсемпе тахçанах усă кураççĕ. Креативлă индустрие пысăк тимлĕх уйăрчĕç. Экспертсен шухăшĕпе, вăл пултарулăх секторĕнче шутланман компанисемшĕн те экспорт драйверĕ пулса тăма пултарать", - каласа кăтартрĕ Чăваш Республикин Экспорта пулăшакан центрĕн ертỹçи Артем Захаров.

Воронеж, Ленинград, Мускав, Новосибирск, Омск, Ростов, Смоленск облаçĕсен, Ставрополь тата Красноярск крайĕсен, Çурçĕр Осети - Алани тата Чăваш Республикисен представителĕсем хăйсен коопераци проекчĕсемпе паллаштарнă. Раççей экспорт центрĕн регион инфратытăмĕн аталанăвĕ енĕпе ĕçлекен директорĕ Наталья Минаева палăртнă тăрăх, регионсен кооперацийĕ Раççей компанийĕсен экспортне вăйлатас тĕлĕшпе пысăк пĕлтерĕшлĕ. "Вăйсене пĕрлештерни бизнеса пулăшакан тухăçлă механизм шутланать, пирĕн çĕршыври тавар туса кăларакансене ют çĕршывсенчи рынока кĕме майсем туса парать", - тенĕ вăл.

Тĕплĕнрех - "Пирĕн пурнăç" хаçатра.