Патшалăх пулăшăвĕсен порталĕнче (Госуслуги) дистанциллĕ электронлă сасăлава (ДЭГ) хутшăнма заявленисене йышăнма пуçланă. Хисеплĕ суйлавçăсем, сасăлав кунĕсенче, 2025 çулхи сентябрĕн 12-14-мĕшĕсенче, паллă сăлтавсене пула эсир хăвăр суйлав участокне сасăлама пыма пултараймастăр пулсан, сирĕн çакна аякран тума питĕ лайăх май пур. Аса илтеретпĕр, дистанциллĕ электронлă сасăлав икĕ тапхăртан тăрать:

- 2025 çулхи июлĕн 28-мĕшĕпе сентябрĕн 8-мĕшĕ хушшинчи тапхăрта Патшалăх пулăшăвĕсен порталĕнче заявлени памалла;

- ДЭГ порталĕнче сасăлав сентябрĕн 12-мĕшĕнчи 8.00 сехетрен пуçласа сентябрĕн 14-мĕшĕнчи 20.00 сехетчен (vybory.gov.ru.) пырать.

ДЭГ-а хутшăнма заявлени ăнăçлă парас тесен, çакăн пек условисене пăхăнни кирлĕ:

- суйлавçăн Патшалăх пулăшăвĕсен порталĕнче çирĕплетнĕ учетлă çыру пулмалла;

- усă кураканăн аккаунтне вырнаçтарнă даннăйсем актуаллă пулмалла (Ф.И.О): паспорт даннăйĕсем, пурăнмалли вырăнта регистрациленни, телефон номерĕ тата (е) электронлă почта адресĕ;

- суйлавçăн Патшалăх пулăшăвĕсен порталĕнче кăтартнă даннăйĕсемпе пĕр килмелле.

Шута илĕр, суйлавçăсен даннăйĕсене хăйсем тĕллĕн тата вăхăтра çĕнетмелле. Портал сирĕн даннăйсене çĕнетмест. Çакна малтанах тумасан, ДЭГ-а хутшăнма заявлени панă чухне йывăрлăхсем сиксе тухма пултараççĕ.