Августăн 9-мĕшĕ. Çак кун 1714 çулта Гангут сăмсахĕ патĕнче Пĕрремĕш Петĕр ертсе пыракан вырăс флочĕ шведсене çĕнтернĕ.

Августăн 12-мĕшĕ. Сывлăшри çар вăйĕсен кунĕ. Çак кун 1759 çулта Салтыков ертсе пыракан çар Кунерсдорф патĕнче Прусси çарĕсене çапса аркатнă, çапла майпа çичĕ çулхи вăрçă вĕçленнĕ. Иккĕмĕш Фридрихăн çарне аркатнă хыççăн вырăс çарĕсем Берлина кĕнĕ.

Августăн 15-мĕшĕ. Çак кун 1799 çулта Суворов çарĕ Нови патĕнче французсене çапса аркатнă. Францин 7 пин салтакĕ çапăçу хирĕнче выртса юлнă, 3 пинне тыткăна илнĕ.

Августăн 20-мĕшĕ. Раççей сывлăш флочĕн кунĕ. Çак кунах 1939 çулта совет çарĕсем Монголине кĕрсе кайнă яппунсем çине тапăннă. Халхин-Гол юханшывĕ патĕнче яппунсен 60 пин салтакĕ вилнĕ - пирĕннисенчен виçĕ хут ытларах. Монголи хирĕсенче яппунсене тытса чарни вĕсем СССР çине тапăнса кĕрессине чарнă. Августăн 23-мĕшĕ. Çак кун 1943 çулта Курск пĕкки патĕнчи çапăçу вĕçленнĕ, Харькова ирĕке кăларнă. Тăшман 500 пин салтак, 1500 танк, 3700 самолет çухатнă. Августăн 24-мĕшĕ. Çак кун 1944 çулта Молдавин тĕп хулине Кишенева ирĕке кăларнă. Пирĕн çарсем 140 километр малалла иртнĕ, тăшманăн 18 дивизине тĕп тунă.

Августăн 28-мĕшĕ. Çак кун 1739 çулта Бурхард Миних ертсе пыракан вырăс çарĕсем Турци çарĕсене çапса аркатнă. Августăн 29-мĕшĕ. Çак кун 1813 çулта вырăс гвардийĕ Кульма патĕнче французсемпе çапăçнă чух палăрнă. Çак кунах 1944 çулта Ясско-Кишенев операцийĕ вĕçленнĕ - Молдавие ирĕке кăларнă, Румыние – вăрçăран.

Августăн 30-мĕшĕ. Çак кун 1757 çулта Степан Федорович Апраксин ертсе пыракан вырăс çарĕсем Гросс-Егерсдорф патĕнче Прусси çарне çĕнтернĕ.