"Кузьмич" тесе чĕнекен гварди сержанчĕ, Шуккакассинчи Илья Абаськин - паттăр кăна мар, Тăван çĕршыва парăннă, хăюлăхпа палăрнă çын.

Ашшĕн воспитанийĕ тата Тăван çĕршыва юратни унăн шăпине витĕм кỹнĕ. Ашшĕ право хуралĕнче 26 çул ĕçленĕ. Кузьмичăн çар çулĕ те тĕрĕслевсенчен тата паттăрла ĕçсенчен тăрать: мобилизаци пуçлансанах вăл алла повестка илнĕ. Тухса кайиччен мăшăрне: "Светлана, хам урасемпех каятăп, каялла та вĕсемпех таврăнатăп", - тенĕ. Илья Ильич штурмовикран пуçласа артиллери разведкин уйрăмĕн командирĕ таран çитнĕ, унтан вара тапăнакан взвод командирĕ пулнă. Вăл хутшăннипе Кременнăй тата Сватово хулисене ирĕке кăларнă. Çавăн пекех вăл Авдеевкăна пĕрремĕш тапăнсан тỹпе хывнă. Пĕтĕмпе вара вăл 11 хулана ирĕке кăларнă çĕре хутшăннă. Паллах, взвода строительство материалĕсем, куллен кирлĕ япаласем çитмен. Кун пирки Илья мăшăрне пĕлтернĕ. Вара вăл гуманитари пулăшăвне пухассине йĕркеленĕ, вĕсене вырăна тăванĕпе çитерсе панă. Çакна та палăртмалла, пулăшупа республика Пуçлăхĕ Олег Николаев, округ администрацийĕн пуçлăхĕ Иван Михопаров тивĕçтернĕ.

Тĕплĕнрех - "Пирĕн пурнăç" хаçатра.