Статистика кăтартнă тăрăх, юлашки 10-15 çул хушшинче çĕршывра сăра туса кăларасси тăватă хута яхăн ỹснĕ, ăна ĕçекен çамрăксен шучĕ вара - виçĕ хутчен. Вăл çитĕнекен ăрăвăн юратнă шĕвекĕ пулса тăчĕ тесен те йăнăш мар. Кирек ăçта та - кафере-и е урамра, пĕр-пĕр ушкăнра - пурин аллинче те сăра савăчĕ курма пулать. Кашни çыннах кăпăклă çак сĕткене туянма пултарать, кашни лавккарах сутаççĕ, эрехрен темиçе хут йỹнĕ. Çитменнине, вăл ăш хыпнине пусарма, вăхăта хаваслă ирттерме пулăшать тесе рекламăлаççĕ тата. Анчах сăра организм çине епле сиен кỹни пирки никам та шарламасть, усăллă тесе ĕнентерекенсем те пур.

Сăра мĕнпе сиенлĕ-ха? Вăл пĕвер, чĕре, юн тымарĕсен, çавăн пекех шăкпа ар органĕсен ĕçне улшăнусем кĕртет, юн пусăмне ỹстерет. Ăна нумай ĕçнипе хăш-пĕрисен ỹт хушăнать, теприсем имшерленсе каяççĕ, тĕртĕмĕсем йăшаççĕ.

Сăра виçесĕр ĕçни арçынсен чĕрине хăвăрт таптарать, юн тытăмне улăштарать, аппетитне чакарать. Специалистсем МРТ анализĕсем туса сăрапа туслă çул çитмен çамрăксен пуç миминче япăх улшăнусем пулса иртнине палăртнă.

Тĕплĕнрех - "Пирĕн пурнăç" хаçатра.