Каçхи апат çинĕ хыççăн пĕтĕм çемьепе кану пỹлĕмне пуçтарăнтăмăр. Кашни каç эпир çапла пĕрле. Пиччепе атте шашкăлла выляма тытăнчĕç, анне яланхи йăлапа ачасен тетрачĕсене тĕрĕслеме хăй умне купаласа хучĕ. Эпĕ алла кĕнеке тытса диван çине ват кукамай çумне меллĕн вырнаçса лартăм. Юрататăп ват кукамайпа юнашар пулма! Кашнинчех вăл мана хăй пурнăçĕнчи асра юлнă самантсене каласа парать. Пит çыпăçуллă тата лăпкă унăн калаçăвĕ. Хăй ĕмĕрĕнче тăватă класс кăна вĕреннĕ пулсан та пĕр-пĕр вĕреннĕ çынран та кая мар: ăслă, тарăн шухăшлă калаçать. Пурнăç вĕрентнĕ мана çакна тесе калама юратать вара ват кукамай, ылтăн кĕркунне тăхăр вунтăватă çул тултараканскер. Ак халь те ĕçсĕр лармасть ват кукамай. Тĕрлĕ тĕслĕ çипсенчен мунчала çыхать. Хура ĕçпе хытнă пỹрнисем хушшинче чĕнтĕр йĕппи вылянать кăна.

- Алă, пỹрнесем хытса ан ларччăр тесе аппаланатăп çапла. Кун пек ĕçлесен çĕрле те сурмаççĕ вĕсем, ыйхăсăр та асапланмастăп, мĕн те пулин усăлли турăм тесе лăпланса çывăратăп. Ку вара маншăн чун лăпланăвĕ кăна, куншăн эпĕ савăнатăп çеç. Сасартăк ват кукамай шăпланчĕ. Ун çине вăрттăн пăхса илтĕм те икĕ пит çăмарти тăрăх кĕмĕл куççуль майĕпен хăйĕн çулне тупса тута айккине юхнине асăрхарăм. Мĕншĕн иккенне пĕлетĕп эпĕ. Каллех вăрçă çулĕсем куç умне килсе тухрĕç ĕнтĕ...

Тĕплĕнрех - "Пирĕн пурнăç" хаçатра.