2025 çулта Раççей Тăван çĕршыв хỹтĕлевçин, республика Çĕнтерỹ тата патриотизм çулталăкне паллă тăвать. Тăван çĕршыва хỹтĕлесси - кашни çыннăн сумлă та сăваплă тивĕçĕ. Паянхи кун унăн пĕлтерĕшĕ питĕ çивĕч.

Паянхи çăмăлах мар лару-тăрул-лă саманара кашнийĕн хăйĕн шăпи, тивĕçĕ. Украинăра ятарлă çар операцийĕ пырать. Çĕршыва пулăшу кирлĕ чухне пирĕн тăрăхра никам та айккинче тăрса юласшăн мар. Кашниех мĕнпе те пулсан, май çитнĕ таран ырă ĕç тума ăнтăлать. Сывлăх тата кăмăл енчен çирĕп каччăсемпе арçынсенчен нумайăшĕ вара салтаксен ретне кайма васкать. Вĕсем чăн-чăн паттăрсем, чăваш улăпĕсем, Тăван çĕршыв хỹтĕлевçисем. Сăмах ятарлă çар операцине хутшăнакан салтаксем пирки пырать. Тăшмансемпе чăваш халăхĕн ывăлĕсем те сахал мар çапăçаççĕ.

Пирĕн тăрăхри яшсем те ыттисем пекех тăван çĕршывшăн кар тăмашкăн яланах хатĕр. Çавăн пек маттурсенчен пĕри вăл Дмитрий Алякин. Дима Украина çĕрĕ çинче ятарлă çар операцин малтанхи кунĕсенченех тĕрĕсмарлăха хирĕç кĕрешет. Вăл яла çывăх тăванĕсене, ачисене курма килнĕччĕ.

Çак меллĕ самантпа усă курса пирĕн шкул ачисемпе тата хăйне вĕрентнĕ учительсемпе тĕлпулура пулчĕ. Ăна çитĕнекен ăрăвăн, пулас салтаксен тата ыттисен те патриотизм туйăмĕ ỹстĕр, Тăван çĕршыва юратма хăнăхтарас тесе йĕркелерĕç.

Тĕплĕнрех - "Пирĕн пурнăç" хаçатра.