Сывлăх çирĕп пултăр тесен ăна валли куллен вăхăт уйăрмалла. Тĕрлĕ сĕнỹ-канаш чылай. Анчах та чи витĕмлисем - ирпе вăрансан пурнăçламаллисем.

Хальхинче сĕнекен канашсене пурнăçлама лимон, шыв, пыл тата водород перекиçĕ кирлĕ.

Кашни ир шăл тасататпăр эпир. Чĕлхе пирки те ман-малла мар. Унсăрăн тĕрлĕ бактери вар-хырăма лексе тĕрлĕ чир-чĕр пуçарма пултарать. Шăпах чĕлхе çинче бактери нумайран çăвартан ырă мар шăршă кĕрет те. Çăвар ăш-чикки пăсăласси те çакăнпах çыхăннă. Чĕлхене шăл щеткипе те, ятарлипе те тасатма юрать.

Тутлă ыйхăран вăрансан организма шыв кирлĕ. Вĕренĕ е ăшăтнăскере лимон татăкĕ (е сĕткенĕ) хушса пĕчĕк сыпкăмсемпе ĕçмелле. Шыв вар-хырăм ĕçне йĕркелет, организма апат çиме хатĕрлет, япала ылмашăвне лайăхлатать, пĕвере тасатать. Лимон сĕткенĕ вара микроэлементсемпе, В тата С ушкăнри витаминсемпе пуян.

Ирхи апат умĕн 10 минут маларах 1 чей кашăкĕ пыл çимелле. Вăл микроэлементсемпе тата витаминпа пуян. Унра вăй хушма, пуçа ĕçлеттерме пулăшакан фруктозăпа глюкоза нумай. Иммунитета та çирĕплетет.

Апат çинĕ хыççăн çăвара водород перекиçĕпе чỹхени шăлпа тунисемшĕн паха. Кариес аталанасран, çăвартан ырă мар шăршă кĕресрен пулăшать, шăлсене шуратать. Ку тĕллевпе 50 грамм вĕремен тăрă шыва 5-7 тумлам 3 процентлă хутăш ямалла.

Сĕнỹсем чăннипех те пулăшчăр тесен вĕсене куллен пурнăçламалла.