Хĕрлĕ Чутай округĕнче паянхи куна 800 яхăн вăрçă ачи пурăнать. Шел те, вĕсен йышĕ çулсерен сахалланать, вăхăт хăйĕннех тăвать. Сăмахран, округри чи пысăк ялта та - Туктамăшра - 42 вăрçă ачи кăна пурăнать. Сакăр теçетке çултан иртнĕскерсен пурнăçĕ, паллах, çăмăл пулман, нуши-тертне те самаях тỹснĕ. Арçынсене вăрçа илсе кайсан мĕнпур пурнăç йывăрлăхĕсем пĕтĕмпех салтак арăмĕсемпе пĕрле вĕсем çине тиеннĕ. Вăл вăхăтра çуралнисен ачалăхĕ те пулман тесе калама та юрать. Вĕсем ял-йышпа çуллахи вăхăтра аслисемпе пĕрле пурте колхоз уй-хирĕнче, улăх-çаранĕсенче вăй хунă, юр çусан вара вăрман касма та çỹренĕ, фермăсенче выльăх-чĕрлĕх пăхнă. Пĕтĕм ĕçе вара алă вĕççĕн пурнăçлама тивнĕ, колхоз лашисене вăрçа илсе кайсан турта хушшине тăнă. Апла пулсан та вĕсем маттур та хастар ĕçленĕ, нихăçан та нăйкăшман, пĕр-пĕринпе тупăшса вăй хунă, нимĕнле ĕçрен те хăраса тăман, Çĕнтерỹшĕн тăрăшнă. Паянхи куна пурăнакансен ăс-тăнĕнче çав вăхăтсем яланлăхах çырăнса юлнă, амăшĕн сĕчĕпех ăса кĕрсе вырнаçнă май тĕлĕкре те курăнаççĕ.

"Вăрçă ачи - хăрах урипе сăпкара, тепĕр урипе - сухара", - тесе ахальтен каламан халăхра. Акă, Енкĕлт ялĕнче пурăнакан 83 çулхи Сергей Егорович Баринов та вĕсен йышĕнчен.

Тĕрлĕнрех - "Пирĕн пурнăç" хаçатра.