Район хаçачĕ тухма тытăннăранпа 95 çул çитрĕ. Ку вăл - район пурнăçĕнчи паллă пулăмсенчен пĕри. Тăхăр теçетке ытла хаçат ĕç çыннисене çĕнĕ пурнăç тума пулăшнă, çĕршыври, республикăри лару-тăрупа паллаштарнă. Унăн пĕлтерĕшĕ калама çук пысăк.

Çакă Аслă Отечественнăй вăрçă çулĕсенче яр уççăн палăрать. Кăçал Аслă Çĕнтерỹ 80 çул тултарнине шута илсе Хĕрлĕ Чутай районĕн "Çĕнтерỹ çулĕ" хаçачĕ 1941-1945 çулсенче шкул ачисемпе пионерсем çинчен мĕн çырнине тĕпчерĕм. Унта мĕн çырнă-ха?

. 1941 çулхи июлĕн 31-мĕшĕнче тухнă хаçатра ачасем 17 тонна тимĕр-тăмăр пуçтарнине çырнă.

. Августăн 10-мĕшĕ. "Сĕнтĕкçырминчи пуçламăш шкул ачисемпе пионерсем, пурĕ 60 ача, ывăнма пĕлмесĕр утă çулнă çĕрте ĕçлеççĕ. Çурхи тыр-пулсене иккĕмĕш хут çумкурăксенчен тасатас ĕçре тăрăшаççĕ. А.Танюшкин, В.Пономарев, В.Кириллов 80 килограмм тимĕр-тăмăр пуçтарчĕç. А.Степанова, А.Иванов пионерсем уй-хир ĕçĕ пуçланнăранпа 40-шер ĕç кунĕ ĕçлесе тунă та ĕнтĕ".

. Августăн 14-мĕшĕ. "Шĕмшешри "Мотор" колхозăн 4-мĕш бригадăри Ольга Морскова, Е.Сергеев, И.Волков пионерсем куллен ашшĕ-амăшне 75-100 кĕлте вырса пулăшаççĕ. Çав хушăрах вĕсем пучах пухассипе те тăрăшса ĕçлеççĕ".

. Августăн 21-мĕшĕ. "17-мĕш августри воскресника 750 пионерпа шкул ачи хутшăннă".

Тĕплĕнрех - "Пирĕн пурнăç" хаçатра.