Пурнăçпа вилĕм. .. Çак икĕ ăнлав ĕмĕр-ĕмĕр алла-аллăн тытăнса утаççĕ. Ăçта пурнăç - унта вилĕм, ăçта вилĕм - унта пурнăç.

Çак вĕçĕ-хĕррисĕр çут уçлăхра мĕнпур япала: чĕрĕ-и вăл е чĕрĕ мар, хăçан та пулсан ĕмĕрне вĕçлет те пĕр формăран тепĕр формăна куçать. Çын пурнăçĕ çĕр çинче - хăналăх. Мĕн вăл 70 е 50 çул ĕмĕрлĕхпе танлаштарсан? Çут çăлтăр пек мĕлтлетсе илетпĕр те тĕпсĕр уçлăхра таврăнайми сỹнетпĕр, яланлăхах çухалатпăр. Пĕр шутласан, ытла та хăрушă! Эпĕ халь пурăнатăп-ха, ĕмĕтленетĕп, çемье йăвине çавăрнă, ачасене çын тăвас тесе тăрăшатăп, кỹрентерсен - хурланатăп, сив сăмахпа вăрçсан - макăратăп, тус-тантăшсене курсан - савăнатăп, юрату чĕререн хĕмленнĕ чух - юрататăп. Эпĕ хама çак çĕр çинче пурăннине кашни самантра туйса тăратăп, чунăм кашни çеккунтра тенĕ пек вылянса, улшăнса тăрать. Пурăннăçем пурăнас килет, малашлăхра - мĕн чухлĕ пурнăçламалли ĕмĕт-шухăш, тĕллев, тĕрлĕ плансем. Ăна та туса ĕлкĕрес килет, кăна та. Пурнăç сĕткенĕ ỹтĕмре юхнине туйса тăнлатăп.

Тĕплĕнрех "Пирĕн пурнăç" хаçатра вуласа пĕлĕр.