Çанталăк ăшăтрĕ. Çамрăксем икĕ урапаллă техника - мопед, скутер - çине куçни самай сисĕнет. Ял урамĕсемпе кăна мар, округ центрĕнче те кĕрлеттерсе иртсе каяççĕ. Ку çеç те мар, иккĕн лармалли техника çине виççĕн-тăваттăн тиенеççĕ, çул-йĕр правилисене пăхăнмаççĕ, пуçа шлем та тăхăнмаççĕ, пысăк çул çине те тухаççĕ. Çамрăксем хушшинче çул çитменнисем те, алла водитель удостоверенийĕ илменнисем те пур. Скутер-мопедпа чупма та ятарлă М категориллĕ права кирлĕ. 16 çул тултарманнисен ун çине ларма ирĕк çук. Çакна аслисен пĕлмелле, йĕркене пăссан ашшĕ-амăшĕнех 30 пин тенкĕ кăларса хума тивет.

Паллах, ашшĕ-амăшĕ хăйĕн тĕпренчĕкне пуринпе те тивĕçтерме тăрăшать, хаклă "чупмалли" парне туянса парать. Хăрушлăх пирки вара шутласах каймасть. Çул-йĕр çинче инкек тухас хăрушлăх пысăк. Ашшĕ-амăшĕн яваплăрах пулмалла, ачана та çавнах хăнăхтармалла. Пысăк хăвăртлăхпа çỹрени машина урапи айне те илсе çитереет, айăпли вара водитель пулать.

Тĕплĕнрех "Пирĕн пурнăç" хаçатра вуласа пĕлĕр.