Çăмарта тăвакан çамрăк чăхсем илмелли тапхăр çывхарать. Вĕсене вара тĕрĕс суйламалла. Суйласан пăхма пĕлмелле. 4,5-5 уйăхри çамрăк чăхсене ăшă вите пур пулсан март уйăхĕн вĕçĕнче туянма юрать. Кун тăршшĕ вăрăмлансан, симĕс курăк шăтсан вĕсем çăмарта тума пуçлĕç.

Çăмарта тăвакан чăхсене кашни çул улăштарса тăрсан лайăхрах. Хĕрлĕ чăхсем çăмарта лайăхрах тăваççĕ. Вĕсен çăмар-тисем шултра. Анчах вĕсем нумай пурăнмаççĕ, иккĕмĕш çул чирлеме тытăнаççĕ. Шурă чăхсем - чи çирĕпписем. Кăвакрах тĕслĕ çăмарта тăвакан чăхсене те сутаççĕ. Вĕсен çăмарти шултра, тутлă. Анчах вĕсем çăмартине сахалрах тăваççĕ.

Çăмарта тăвакан çамрăк чăхсене пасарта е кайăк-кĕшĕк фабрикинчен туянмалла. Хакĕсем питех уйрăлса тăмаççĕ. Чи кирли - пахалăхлине туянасси. Вĕсенчен ытларахăшĕ 26 эрнерен çăмарта тума тытăнать. Лайăх ăратлă пулнине кăтар-такан тĕп паллă - чăх мĕн чухлĕ тайни. 5 уйăхри чăхсем 1,5 кг яхăн таяççĕ. Вăл ытла мăнтăр е начар ан пултăр. Сывă чăх таса, яка пулать. Куçĕсем чĕрĕ, çуталса тăраççĕ. Çамрăк кайăк-кĕшĕкĕн ури сарă тĕслĕ пулать.

Тĕплĕнрех "Пирĕн пурнăç" хаçатра вуласа пĕлĕр.