Ĕçлеме ỹркенмесен ялта та пурăнма аван

Чăваш Енри хĕрарăмсен союзĕ иртнĕ çулхи сентябрь уйăхĕнчен пуçласа декабрь уйăхĕччен ялта пурăнакан хĕрарăмсен сумне ỹстерме пулăшакан, ялти пурнăçа популяризацилекен тата çамрăксене тăван тăрăхрах юлма ĕнентерекен "Хĕрарăм - ял управçи" проекта пурнăçланă. Проекта Чăваш Республикин Экономика аталанăвĕн министерстви республикăн Ялхуçалăх тата Культура министерствисемпе пĕрле пулăшнипе Президент гранчĕсен фончĕн укçипе пурнăçа кĕртнĕ.

Проект шайĕнче ăнăçлă ĕçлекен ял хĕрарăмĕсен реестрне йĕркеленĕ, унта Тралькассинче пурăнакан Светлана Ильина та кĕни савăнтарать.

Светлана Николаевна Ильина "Красночетайский мед" кооператив правленийĕн председателĕ. Çак потребительсен ялхуçалăх сутă кооперативĕ 2009 çулхи сентябрĕн 2-мĕшĕнче йĕркеленнĕ, унăн ĕç-хĕлĕ пыл туса илессипе тата ăна сутассипе çыхăннă.

"Пирĕн çемьере пыл хурчĕсем ĕрчетме пуçласси ăнсăртран пулчĕ темелле. Анкартинче ĕçленĕ вăхăтра пĕчĕк ывăлăм улмуççи çине çăвăр хурт килсе ернине асăрхарĕ. Унăн хуçисем тупăнмарĕç, вара хамăрах пăхма пуçлас терĕмĕр, вĕлле те тупрăмăр... Ку ĕç-пуç иртнĕ ĕмĕрĕн 90-мĕш çулсен вĕçĕнче пулчĕ. Çавăнтанпа пыл хурчĕсем усратпăр та эпир, халĕ вĕллесен шучĕ чылай ĕнтĕ", - аса илчĕ Светлана Николаевна.

Тĕплĕнрех "Пирĕн пурнăç" хаçатра вуласа пĕлĕр.