Чăваш Енре контракт çырса ятарлă çар операцине хутшăнакансене паракан тỹлев виçине 2,1 миллион тенкĕ таран хăпартнă. Раççей Президенчĕ Владимир Путин хушăвĕпе паракан федерацин 400 пин тенкине шута илсен, вăл пĕтĕмĕшле 2,5 миллион тенкĕпе танлашĕ.

Унччен маларах, 2024 çулхи декабрĕн 28-мĕшĕнче, Чăваш Енре 2025 çулта ятарлă çар операцине хутшăнма контракт çырсан пĕр хутчен паракан тỹлев виçине 1 миллион тенкĕрен 1,4 миллион таран ỹстернĕччĕ.

Çакна та палăртмалла, çулталăк пуçланнăранпа çĕршывăн пилĕк регионĕнче тỹлев виçине ỹстернĕ. Çав шутра - Чăваш Республикинче те. Оборона министерствипе республикăра пурăнакансем кăна мар, ытти регионсенче пурăнакансем те, ют çĕршыв гражданĕсем те контракт çырма пултараççĕ.

Раççей Федерацийĕн Хĕç-пăшаллă Вăйĕсен йышне кĕрес текенсем мĕнпур информацие Етĕрнепе Хĕрлĕ Чутай районĕсен çар комиссариатĕнче çак телефон номерĕсем-пе пĕлме пултараççĕ: 8-919-669-68-08, 8-927-840-02-78.

Олег НИКОЛАЕВ, Чăваш Ен Пуçлăхĕ:

- Контракт çырнă салтаксене паракан тỹлеве 2,1 миллион таран хăпартма йышăнтăм. Çĕнĕ пулăшу мери Чăваш Енре 2025 çулхи январĕн 1-мĕшĕнчен пуçласа март уйăхĕн 31-мĕшĕччен çырнă мĕнпур контракта пырса тивĕ.

Палăртмалла, ятарлă çар операцине хутшăнакан уйрăм çынсен кредитшăн пухăннă парăмĕсене (10 миллион тенкĕ таран) пăрахăçлама май паракан федераци саккунĕ 2024 çулхи декабрь уйăхĕн 1-мĕшĕнчен вăя кĕчĕ.

- Тăван çĕршыва хỹтĕлесси - пысăк мисси, ăна пирĕн каччăсем чыслăн пурнăçлаççĕ. Эпир вĕсемпе мăнаçланатпăр, малашне те пулăшса пыма тăрăшăпăр.