Ялсенче çỹп-çап контейнерĕсене вырнаçтарнăранпа вăрмансенче, çырмасем хĕррисем-пе, çул айккипе лартнă йывăçсем хушшинче ăпăр-тапăр тултарнă михĕсем сахалтарах курăнаççĕ. Çынсен ăнланулăхĕ, культури ỹссе пырать тесе калама пулать, анчах...

Йăлари хытă каяшсене пухмалли ятарлă ешчĕксем патне çитсен çỹç-пуç вирелле те тăма пултарать. Мĕн кăна çук-ши кунта! Пахчари çум курăка, кĕркунне çитсен хăяр-помидор аврине, çĕрнĕ çĕр улмисене е вĕсен хупписене (хулара теççĕ-ши?), хăрнă йывăç вуллисене, выльăх-чĕрлĕх пуснă хыççăн юлакан каяша тата ыттине те ывăтма ỹркенмеççĕ. Те ытлашши тирпейленсе кайрăмăр, те çав таран сĕмсĕрлентĕмĕр - калама хĕн. Çурт-йĕрте таса пултăр тени çеç çителĕксĕр, пурăнакан территоринче те хăтлă та тирпейлĕ пулмалла... Çав контейнерсем патĕнчен хамăрах иртсе çỹретпĕр, çывăхĕнчех ачасем выляççĕ. Çỹп-çапшăн укçа тỹлени пур каяша та ятарлă ешчĕке пăрахмаллине пĕлтермест. Çĕрекен япаласем тислĕк купи çинче те вырăн тупаççĕ.

Тĕплĕнрех - "Пирĕн пурнăç" хаçатра.