Нумаях пулмасть округри тĕп библиотекăра Пĕтĕм Раççейри перекетпе инвестицин 3-мĕш çемье фестивалĕ иртнĕ. Ăна йĕркелесе ирттерекенĕ - округ администрацийĕн финанс пайĕ. Унта Даниловсен, Ухтеровсен, Хохловсен, Сорокинсен çемйисем хутшăннă. Вĕсем фестивале хутшăнса финанс пĕлĕвĕ кашни çемьешĕн пĕлтерĕшлĕ пулнине, укçа-тенкĕпе пĕлсе усă курмаллине, ултавçăсенчен асăрханма пултарнине кăтартса панă.

Çемье командисен тĕрлĕ енĕпе хăйсен пĕлĕвĕпе шухăшлавне палăртма тивнĕ. Малтанах "Сохраняй и приумножай" финанс квизĕ пулнă. Çемьесен хăвăрт хурав тупма, пуçватмăшсен тупсăмне шырама, пурнăçра тухса тăракан лару-тăрура пулма тивнĕ. Кашни команда ушкăнпа тĕрĕс утăм тума тăрăшнă. "Риски и страховка" кейс-вăйăра вара вĕсен хăйсене предприяти ертỹçи вырăнĕнче курмалла пулнă. Çемьесен хăйсен бизнесне сыхласа хăварас тесе тĕрĕс йышăнусем тума, страхлав полисĕсемпе те пĕлсе усă курма тивнĕ. Мероприятин виççĕмĕш конкурсĕнче укçа-тенке пĕлсе вырнаçтарса тупăш илме май паракан утăма тумалла пулнă. Командăсем конкурссенчи ĕçсене пĕлсе, ушкăнпа шутлама тăрăшнă.

Тĕплĕнрех - "Пирĕн пурнăç" хаçатра.