Пирус туртни сывлăхшăн тата обществăшăн сиенлĕ пулни çинчен тăтăшах аса илтеретпĕр. Апла пулин те, Пĕтĕм тĕнчери сывлăх сыхлавĕн организацийĕн кăтартăвĕсем тăрăх, хальхи вăхăтра тĕнчере кашни çул çак сăлтавпа 5 миллион çын пурнăçĕ вăхăтсăр татăлать.

Пурте пĕлеççĕ - аслисем те, çамрăксем те, çула çитмен ачасем те, пирус сывлăха мĕнле сиен кỹнине. Анчах та пирус туртакансем чирсем вĕсене пырса çакланмаççĕ тесе шанаççĕ. Тата туртма пуçлакансенчен пĕри те пирус серепине çакланма пултаратăп тесе туртма пуçламасть. Анчах та никотин питĕ ултавлă япала, туртмассерен кунсерен организм ăна нумайрах та нумайрах ыйтма пуçлать. Малтанхи вăхăтра темиçе сигарет кăна туртнă пулсан, каярахпа вара пĕр пачка таранах кирлĕ пулса пырать. Çапла вара çын сисмесĕрех никотин серепине çакланать. Пирус туртма пăрахма шут тытсан, темиçе вăхăт хушши туртмасан, çынна тем çитмен пек туйăнать, çывăрайми пулать, тарăхма пуçлать. Черетлĕ пирус туртса яни кăна çынна лăпланма пулăшать. Туртакансенчен нумайăшĕ туртма пăрахасшăн. Анчах та хăйсем тĕллĕн туртма пăрахакансем питĕ сахал. Çакна палăртмалла, пирус серепине çакланма питĕ çăмăл, унтан хăтăлма - питĕ йывăр.

Тĕплĕнрех - "Пирĕн пурнăç" хаçатра.