Çамрăксем Интернетра хушма укçа-тенкĕ ĕçлесе илес тесе час-часах капкăна лекеççĕ. Çакна шута илсе Чăваш Республикин Шалти ĕçсен министерстви ултав схемисем çинчен асăрхаттарать. Практика кăтартнă тăрăх, Чăваш Енре çулталăк пуçланнăранпа ку тĕлĕшпе 11 уголовлă ĕç пуçарнă. Кунта инкек тỹсекенсем 19 çултан пуçласа 25 çулхи çамрăксем. Вĕсем хушшинче аслă пĕлỹ е вăтам професси пĕлĕвĕ илекен студентсем тата вăхăтлăх ниçта та ĕçлеменнисем ытларах тĕл пулаççĕ.

Мĕнрен асăрханмалла-ха?

"Ассистент по поиску товаров" с требованием оплаты "налога" тенĕ пĕлтерỹрен асăрханмалла. Ултав схеми кунта çапларах: ултавçăсем тавар шыракан менеджер, маркетплейс ассистенчĕ е саккассен операторĕн вакансийĕ пурри çинчен пĕлтереççĕ. Ĕçлес текенĕн саккассем тăрăх таварсем шырамалла. Анчах та ĕçе тытăнма е пĕрремĕш тỹлеве илме "налук тỹлевĕ" е "страхлав тỹлевĕ" тесе пысăках мар сумма укçа хывмалла. Асăннă укçана куçарса панă хыççăн тата та ытларах укçа ыйтаççĕ, унăн виçи ỹссе пырать. Каярах вара инкек тỹсекене мессенджерта чарса лартаççĕ, ку таранччен чатра мĕн çырнине хуратаççĕ.

Тĕплĕнрех - "Пирĕн пурнăç" хаçатра.