Арçынсем - этемлĕхĕн вăйлă пайĕ, çавăнпа вĕсен сывлăхĕ те, хĕрарăмсеннипе танлаштарсан, çирĕпрех тесе шухăшлаççĕ. Ку чăнах та çапла-и? Арçынсем мĕншĕн тухтăрсем патне сайра хутра кăна каяççĕ?

Чи малтан ку социаллă культура стереотипĕпе çыхăннă: тухтăр патне кайни - вăйсăрлăха кăтартни имĕш. Арçын ачасене мĕн ачаран вăйлă, арçын пек пулма вĕрентеççĕ. Çавна май чылай чухне вĕсенчен çурри организм систерекен симптомсене курмăш тăвать. Çитменнине, арçынсенчен чылайăшĕ чир-чĕр вĕсене пĕлтерĕшлĕ ĕçсене тума чăрмантарать тесе шухăшлать.

Вăхăт çитсе пыманни те витĕм кỹрет: çемьене тăрантарас тесе ĕçлени малти вырăна тухать, сывлăх вара - иккĕмĕш планра кăна, больницăна каясси яланах кая юлса пырать. Çитменнине, арçынсем тухтăр патне кайса пуç ыратни, депресси пуçланни е урăх чир-чĕр пирки пĕлтерме намăсланаççĕ. Хăйсен кăлтăкĕсем пирки каласа кăтартсан вĕсем пирки ăнăçсăр арçын тесе шутлама пуçлаççĕ имĕш. Чылайăшĕ стреспа тĕл пулсан çывăх çыннисенчен пăрăнма тăрăшать, чĕмсĕрленет е чунĕнчи ыратăва пула ыттисем çине кăшкăрать.

Тĕплĕнрех - «Пирĕн пурнăç» хаçатра.