Депутатсемпе иртнĕ тĕлпулура округра тĕрлĕ сферăра тỹрĕ кăмăлпа вăй хурса палăрнисене Тав çырăвĕсемпе чысларĕç. Обществăлла ĕçе хастар хутшăннăшăн тата ялхуçалăх отрасльне аталантарма пысăк тỹпе хывнăшăн Раççей Федерацийĕн Патшалăх Думин депутачĕн Алла Салаеван Тав çырăвне «Коминтерн» ялхуçалăх производство кооперативĕн председателĕ Альбина Борисовна Новикова (ун пирки тĕплĕнрех - çитес номерте) тивĕçрĕ. Çавăн пекех «Единая Россия» партин проекчĕсене пурнăçа кĕртнĕшĕн, обществăлла ĕçре хастар пулнăшăн Штанашри Культура çурчĕн заведующийĕ Николай Васильевич Майоров, обществăлла ĕçри хастарлăхшăн тата вырăнти пуçарусене пулăш-нăшăн Çĕн Атикасси шкулĕн музыка учителĕ Николай Васильевич Данилов, округри сывлăх сыхлавĕн аталанăвне тỹпе хывнăшăн район больницин аслă медицина сестри Зоя Александровна Музякова, обществăлла ĕçе активлă хутшăннăшăн тата округа хăтлăлатассин аталанăвне тỹпе хывнăшăн администрацин хăтлăх кỹрессипе вăй хуракан ĕçченĕ Ирина Викторовна Чернигова илме тивĕç пулчĕç.

Округ ырлăхĕшĕн нумай çул хушши тỹрĕ кăмăлпа ĕçленĕшĕн Чăваш Республикин Патшалăх Канашĕн депутачĕн Владимир Свешниковăн Тав çырăвĕпе Мăн Этмен шкулĕн директорне Анатолий Михайлович Ейкова, Питĕркасси территори пайĕн начальникне Валерий Геннадьевич Михуткина, Мучикассинчи ял библиотекин тĕп библиотекарьне Венера Анатольевна Романована чысларĕç.

Анна АЛЕКСЕЕВА