С гепатит - пĕвере сиенлекен йывăр чир. Чир вăрах вăхăт хăйĕн çинчен систермесĕр те пултарать, кайран вара йывăра каять. Раççейре С гепатит мĕн таран сарăлнине, ăна мĕнле уйăрса илмеллине, сирсе ямаллине пăхса тухар.

Раççейре 2 миллионтан кая мар çын çак чирпе нушаланать. Чир уйрăмах хăрушă, мĕншĕн тесен тĕслĕхĕн 75 процентĕнче вăл шала каять. Ытти 25 проценчĕн организмĕ вируспа хăй тĕллĕн кĕрешме пултарать. Хăшĕ-пĕри инфекципе чирленине ăнсăртран пĕлет. Шала кайнă С гепатита сиплемесен пĕвер фиброзĕ, циррозĕ, ракĕ пулма пултарать. Çавăн пекех пỹре, ỹт, щит евĕрлĕ парсен чирĕсем аталанаççĕ.

С гепатитăн тĕп хăрушлăхĕ - малтанхи стадисенче симптомсăр иртнинче. Çын чылай çул хушши чир пулнине пĕлмесĕр хăйне лайăх туйма пултарать. Симптомсем палăрсанах çын хăйне малтанах ывăннă пек çеç туять, аппетит чакать, хăсăк килет, кăкăр хĕртет, ỹт температури кăшт хăпарать тата ытти те. Юлашки стадисенче вара пĕвер тата сула (селезенка) ỹсет, ал тупанĕ хĕрелет, ỹт тăртанать, вар-хырăмра шĕвек пухăнать тата ытти те.

Тĕплĕнрех - «Пирĕн пурнăç» хаçатра.