Ахаль шыв - организма йĕркеллĕ ĕçлеме кирлĕ япаласенчен пĕри. Вăл пур тĕртĕмсене те, органсене те кирлĕ. Енчен те эсир шыв сахал ĕçетĕр пулсан çакă организм çине япăх витĕм кỹрет. Шыв çитменнине мĕнле пĕлмелле-ха?

Çăвар типни - тĕп паллăсенчен пĕри. Çакă сĕткен е лимонад ĕçмеллине пĕлтермест. Вĕсем вăхăтлăх кăна шыв ĕçес килнине ирттереççĕ. Ахаль шыв ĕçмелле, унта сиенлĕ хутăшсем çук.

Типĕ ỹт. Пирĕн кĕлеткен чи пысăк органĕ - ỹт. Ăна та, ытти органсем пекех, нỹрĕклĕх кирлĕ. Организмра нỹрĕк çителĕксĕр-тĕк тар тухаймасть. Вăл вара ытлашши токсинсене кăларма пулăшать.

Куçри "хăйăр". Чылайăшĕ куçра "хăйăр" кансĕрленине, куç ывăннине, хĕрелнине туять. Çакă организмра шыв çителĕксĕр пулнипе те çыхăннă.

Ывăнни. Организма шыв çитмесен вăл шывсăрланать. Çакна пула юнра кислород сахалланать. Вăл вара шалти пур органа та кирлĕ. Тепĕр чух çывăрнă хыççăн тăрсан та хăвăра ывăннă пек туятăр. Нимĕнле кофе те пулăшаймĕ.

Выçлăх туйăмĕ. Пирĕн организма шыв çитмесен вăл уйрăм сигналсем пама пултарать. Эпир вĕсене выçлăх туйăмĕ пек йышăнатпăр.

Организм вăхăтсăр ватăлни. Çулсем иртнĕ май организмра шыв саппасĕ чаксах пырать. Çавăнпа та аслă ỹсĕме çитсен шыв тата ытларах ĕçмелле. "Шыв - пурнăç",  тесе ахальтен каламаççĕ.