Август уйăхĕ те вĕçленет. Сентябрĕн 1-мĕшĕччен шутлă кунсем кăна юлчĕç. Каннă тата ỹснĕ ачасем валли шкул алăкĕсем уçăлĕç. Чылай ашшĕ-амăшĕ ачисене шкула валли хатĕр-ленĕ ĕнтĕ. Ĕлкĕрейменнисем интернет-лавккасенчи сайтсене васкавлăн тишкереççĕ, шкул ярмăрккисене, суту-илỹ вырăнĕ-сене çитсе тавар суйлаççĕ. Çĕнĕ вĕренỹ çулне хатĕрлеме ашшĕ-амăшĕн мĕн чухлĕ тăкакланма тивет-ши?

Пĕлỹ кунĕ умĕн Чăвашстат специалисчĕсем республикăра пурăнакансене хăш-пĕр шкул таварĕсен вăтам хакĕсемпе паллаштарасшăн. Туянмалли тавар-сен пысăк списокĕнче çи-пуç пĕрремĕш вырăн йышăнать. Июль уйăхĕнче арçын ачасен çиелти кĕпине 622 тенкĕпе, йĕмне 1374 тенкĕпе туянма пулатчĕ. Хĕрачасен блузки вăтамран 1188 тенкĕ тăнă, юбка - 831 тенкĕ. Унсăр пуçне пикесене валли тĕрлĕ аксессуарсем, çỹç тыттармалли япаласем туянмалла.

Физкультура урокĕсене çỹреме спорт костюмĕпе кроссовки кирлĕ. Вĕсен хакĕсем те йỹнĕ мар - 1562 тата 1090 тенкĕ. Кĕркунне çанталăк улшăнса тăнине кура ачасем валли ăшă япаласем те туянмалла: джемперăн вăтам хакĕ - 1022 тенкĕ, курткăн - 3092 тенкĕ, хĕллехи атăн - 2907 тенкĕ. Чăлха-нуски илме те самай тăкакланма тивет. Списокри тепĕр пункт - рюкзак тата тетрадь-ручка. Шкул рюкзакĕн вăтам хакĕ - 2239 тенкĕ. Унсăр пуçне тетрадьсем (кашни 6 тенкĕ), ручкăсем (16 тенкĕ), кăранташсем (11 тенкĕ), альбом (72 тенкĕ), фломастер (106 тенкĕ) кирлĕ. Çавăн пекех информаципе коммуникаци таварĕсем пулмалла: смартфон (7522 тенкĕ), компьютер е ноутбук (25644 тенкĕ). Списока чĕрĕ чечек çыххи (72 тенкĕ) вĕçлет. Пĕтĕмлетỹ тума вăхăт: çи-пуç, канцтаварсене тата шкула валли кирлĕ ытти япаласене туянтăмăр. Чи кирли кăна юлчĕ - лайăх кăмăл-туйăм, вĕренес туртăм.

Чăвашстат материалĕсем тăрăх А.АЛЕКСЕЕВА хатĕрленĕ.