Хаклӑ ентешӗмӗрсем!

Сире Раҫҫей кунӗ ячӗпе саламлатӑп! 

 Вун-вун ҫул хушши ӗнтӗ ҫӗршывӑмӑр патшалӑх суверенитечӗ тата демократи хаклӑхӗсем нумай миллионлӑ халӑх пурнӑҫне йӗркелесе пымалли ҫирӗп никӗс пулса тӑнӑ ҫӗнӗ кун-ҫул тивлечӗпе малалла аталанать.

Владимир Путин Президентӑмӑр калакан гражданла ирӗклӗхсемпе саккун аслӑлӑхӗ паянхи кун уйрӑм пӗлтерӗшпе палӑрса тӑраҫҫӗ. Этем, унӑн ҫемйин ырлӑхӗ тата ыранхи куна шанчӑклӑн кӗтни – акӑ мӗне тӗп вырӑна хурать хальхи вӑхӑтри патшалӑх политики. Тӑван ҫӗршывӑмӑр аслӑлӑхӗ ҫакӑн пек ансат та пӗлтерӗшлӗ енсенчен йӗркеленет: телейлӗ ачасем ҫитӗнекен ҫемьесенчен, астӑвӑмран, аслисене хисепленинчен, йывӑр вӑхӑтра пӗр-пӗрне пулӑшма хатӗр пулнинчен тата тӳрӗ кӑмӑлпа пурнӑҫлакан ӗҫрен.

Чӑваш Ен – Раҫҫейӗн уйрӑлми, курӑмлӑ тата хӑйне евӗрлӗ пайӗ. Пирӗн тӑрӑха авалтанпах ҫӗр пин юрӑ тата ҫӗр пин тӗрӗ ҫӗршывӗ теҫҫӗ. Пултарулӑхӑн хӑйне евӗрлӗ еткерлӗхӗ тата унӑн ку чухнехи сӑнарлӑхӗ тивӗҫлипе нумай нациллӗ ҫӗршывӑмӑрӑн пӗрлехи культура пуянлӑхӗн йышне кӗрет. 

Раҫҫейри Халӑхсен пӗрлӗхӗн ҫулталӑкӗнче Чӑваш Енре Халӑхсен туслӑхӗн ҫулталӑкне ирттерни  те ӑнсӑртран мар. Ҫапла майпа эпир пӗтӗм ҫӗршывӑмӑрпа пӗрле утатпӑр.

Эпир ҫӑмӑл мар, анчах питех те пӗлтерӗшлӗ вӑхӑтра пурӑнатпӑр. Тата эпир – ҫӗнтерӳҫӗсемпе пултаруллӑ ӗҫченсен ӑрӑвӗн еткерҫисем. Раҫҫей кунӗ пире ҫакна тата тепӗр хут ҫирӗппӗн аса илтертӗр – эпир пиншер ҫулхи кун-ҫуллӑ та пуян культурӑллӑ вӑйлӑ патшалӑхӑн пӗр пайӗ.

Пӗтӗм Раҫҫей ҫыннине ҫирӗп сывлӑх, тӑнӑҫлӑх тата ырлӑх сунатӑп! Пирӗн ачасем хӑюллӑ ӗмӗтсемпе ҫунатланма тата пысӑк ҫитӗнӳсем тума май паракан ҫӗршывра ӳссе ҫитӗнччӗр. Пирӗн тӑван республикӑмӑр малалла чечеклентӗр, Аслӑ Патшалӑхӑмӑр вара татах та вӑйланса тӗреклентӗр!

Чӑваш Республикин Пуҫлӑхӗ                                                                      Олег Николаев

Дорогие соотечественники!

Поздравляю вас с Днем России! Уже несколько десятилетий страна ведет отсчет новой истории, в которой суверенитет государства, его демократические ценности стали основой существования многомиллионного народа.

Гражданские свободы и верховенство закона, о которых говорит Президент Владимир Путин, приобретают в наши дни особый смысл. Человек, благополучие его семьи и уверенность в завтрашнем дне - вот что стоит в центре государственной политики. Величие Отечества измеряется в простых и самых важных вещах: в семьях, где растут счастливые дети, в памяти и уважении к старшим, в готовности прийти на помощь и в честном труде.

Чувашия – неотъемлемая, яркая и самобытная часть России. Наш край издавна называют землей ста тысяч песен и ста тысяч вышивок. Уникальное творческое наследие и его современное воплощение органично вписываются в единый культурный код многонациональной страны.

Символично, что в Год единства народов России, Чувашия объявила Год дружбы народов. И наш  голос звучит в унисон со всей страной.

Мы живём в непростое, но судьбоносное время. Мы являемся наследниками поколения победителей и созидателей. Пусть этот день еще раз напомнит нам, что мы – часть сильного государства с тысячелетней историей и богатейшей культурой.

Желаю всем россиянам крепкого здоровья, мира и благополучия! Пусть наши дети растут в стране, которая дает им возможность смело мечтать и достигать любых высот. Пусть процветает наша родная республика и крепнет наша Великая Держава!

Глава Чувашской Республики                                Олег Николаев